२०८३ मंसिर ६
२०८३ मंसिर ६

काठमाडौं, २० कात्तिक। नेपालीहरूको महान चाड तिहार आजदेखि धनतेरस मनाउँदै सुरु भएको छ। धन, स्वास्थ्य, सुख र समृद्धिको कामना गर्दै आज देशभर धनतेरस तथा धनत्रयोदशी पर्व मनाइँदैछ।

यस अवसरमा सुन, चाँदी, तामा तथा अन्य धातुका भाँडाकुँडा र गरगहना खरिद गरी घरमा ल्याउने धार्मिक परम्परा रहेको छ। साँझ घरमा दीप प्रज्वलन गरी माता लक्ष्मी, भगवान् कुबेर र धन्वन्तरीको पूजा आराधना गर्ने चलन छ।

धार्मिक विश्वासअनुसार धनतेरसका दिन नयाँ सामग्री खरिद गर्दा घरमा सुख, शान्ति र समृद्धि भित्रिने मान्यता छ। यस वर्ष तिथिको घटबढका कारण तिहार छ दिनसम्म मनाइँदैछ। शनिबार काग तिहार तथा धन्वन्तरी जयन्ती, आइतबार कुकुर पूजा र लक्ष्मी पूजा तथा कात्तिक २५ गते भाइटीका मनाइनेछ।

काठमाडौँ । प्रहरी महानिरीक्षक (आईजीपी) मा पुनर्बहालीको माग गर्दै दानबहादुर कार्कीले सर्वोच्च अदालतमा पेस गरेको रिट निवेदन दर्ता भएको छ । आईजीपीमा पुनर्बहालीको माग राखेर कार्कीले बिहीबार रिट पेस गरेका थिए ।

रिट दर्ता भए पनि सुनुवाइका लागि पेसी तय भएको छैन । आफूलाई सुनुवाइको मौका नदिई बिना आधार र कारण गैरकानुनी रुपमा प्रहरी प्रमुखबाट हटाएको कार्कीको दाबी छ ।

मन्त्रिपरिषद्को कात्तिक १८ को निर्णय अनुसार कार्कीलाई आईजीपीबाट प्रधानमन्त्रीको सुरक्षा सल्लाहकार बनाइएको थियो । मन्त्रिपरिषद्को निर्णय अनुसार डा. मनोजकुमार केसीले बुधबारबाटै प्रहरी प्रमुखको जिम्मेवारी सम्हालिसकेका छन् ।

गोरखा । गोरखाको साम्दो लार्के बजार पारिपट्टि सुक्खा पहिरो खस्दा रेमुनाङ खोला थुनिएको छ । पहिरो रेमुनाङ भन्दा डेढ सय मिटरको ताल बनेको छ । यो ताल फुट्न सक्ने भन्दै बुढीगण्डकीको तटीय क्षेत्रका बासिन्दालाई सचेत रहन आग्रह गरिएको छ ।

तर ताल एकै पटक फुट्यो भने असर गर्न सक्ने स्थानीयले बताए । ‘अहिले नै फुटिहाल्ने अवस्था छैन । उपकरण भयो भने खोल्न पनि सकिन्छ’, घटनास्थलबाट निमा दोर्जे भन्छन्, ‘अहिले असर नपरेपनि फुटिहाल्यो भने ठुलै बाढी आउँछ ।’

गोरखा प्रहरीले पनि पहिरो खसेको सूचना पाएको जनाएको छ । सूचना आएको छ । अहिले नै ठुलो असर नहोला,´ गोरखा प्रहरीका प्रमुख एसपी अनिल खड्काले भने, हामी सम्पर्कमै छौँ । आवश्यकता पर्‍यो भने सूचना जारी गर्छौँ ।´

काठमाडौं । ललितपुरको ग्वार्को फ्लाइओभरमा बिहीबार बिहान भएको बस दुर्घटनामा एक जनाको मृत्यु भएको छ भने ६ जना घाइते भएका छन्।

जिल्ला प्रहरी परिसर ललितपुरका प्रहरी उपरीक्षक (एसपी) गौतम मिश्रका अनुसार दुर्घटनामा करिब ४० वर्षीया एक महिलाको मृत्यु भएको हो। उनको पहिचान खुल्न बाँकी रहेको प्रहरीले जनाएको छ।

बिहीबार बिहान करिब १०ः३० बजे कोटेश्वरबाट ग्वार्कोतर्फ जाँदै गरेको बा२ख ३५९० नम्बरको बस फ्लाइओभरमा ठोक्किँदा दुर्घटना भएको प्रहरीले जनाएको छ।

दुर्घटनामा घाइते भएका ६ जनालाई उपचारका लागि बी एण्ड बी अस्पताल पठाइएको छ। उनीहरूको स्वास्थ्य अवस्थाबारे थप विवरण आउन बाँकी छ।

प्रहरीले बस चालकलाई नियन्त्रणमा लिएर दुर्घटनाको कारणबारे अनुसन्धान सुरु गरेको जनाएको छ।

काठमाडौं । संघीय संसद्अन्तर्गत राष्ट्रियसभाको बैठक आज दिउँसो १ः१५ बजे बस्ने भएको छ। बैठकमा गृहमन्त्री सुधन गुरुङ र महिला, बालबालिका, लैंगिक तथा यौनिक अल्पसंख्यक एवं सामाजिक सुरक्षामन्त्री सीता बादीले सांसदहरूले उठाएका मन्त्रालयगत प्रश्नहरूको जवाफ दिने कार्यसूची रहेको छ।

संसद् सचिवालयका अनुसार राष्ट्रियसभा सदस्य कमला पन्तले ‘मनसुनजन्य विपद् व्यवस्थापनमा सरकारको पूर्वतयारी सम्बन्धमा’ गृहमन्त्रीको ध्यानाकर्षण गराउने प्रस्ताव प्रस्तुत गर्नेछिन्।

त्यसैगरी, कृषि, वन तथा पर्यावरणमन्त्री गीता चौधरीले ‘संक्रामक पशु रोग (नियन्त्रण) विधेयक, २०८३’ सभासमक्ष पेस गर्ने कार्यक्रम रहेको छ।

मन्त्रालयगत प्रश्नोत्तर, मनसुनजन्य विपद् व्यवस्थापनबारे छलफल तथा नयाँ विधेयक प्रस्तुत हुने कार्यसूचीका कारण आजको राष्ट्रियसभा बैठकलाई महत्त्वपूर्ण रूपमा हेरिएको छ।

गाउँपालिका अध्यक्ष चन्द्र बहादुर तामाङद्धारा सभामा प्रस्तुत आ.व. २०८३/०८४ को नीति तथा कार्यक्रमका मुख्य बुँदाहरु यस्तो छ :

गाउँसभाका सदस्यज्यूहरु,


अव म यस सम्मानित गाउँसभाको बैठकमा आगामी आर्थिक वर्ष २०८३/८४ को नीति तथा कार्यक्रम प्रस्तुत गर्ने अनुमति चाहन्छु ।
१. स्थानीय तहले स्वीकृत मापदण्ड बमोजिमका योजना तथा कार्यक्रमहरुलाई मात्र प्राथमिक्रम दिने
२. स्थानीय तहको मध्यकालिन खर्च संरचना अनुसार कार्यक्रम खर्च गरिनेछ
३. योजना तथा कार्यक्रम छनौटमा दिगो विकास साङ्केतीकरण गरिनेछ ।
४. वार्षिक बजेट तथा कार्यक्रममा प्रस्तवित सबै बजेट आयोजनागत रुपमा बाँडफाँड गरिनेछ ।
५. स्वीकृत योजना/कार्यक्रमको कार्यान्वयन समयभित्र सम्पन्न गर्न वार्षिक कार्यान्वयन कार्ययोजना र सार्वजनिक खरिद गुरुयोजना निर्माण कार्यलाई निरन्तरता दिईनेछ ।
६. तोकिए बमोजिम कार्यालयले योजनाहरुको नियमित अनुगमन गरी प्रतिवेदन कार्यपालिकामा छलफललाई निरन्तरता दिईनेछ ।
७. उपभोक्ता समितिबाट सम्पन्न भएका पूर्वधार योजनाहरु सम्बन्धित उपभोक्ता समितिलाई हस्तान्तरण कार्य निरन्तरता दिईनेछ ।
८. सुशान (व्यवस्थापन तथा सञ्चालन) ऐन, २०६४ को दफा ३१ मा भएको बमोजिम कार्यालयमा विभिन्न मध्यमबाट दर्ता भएका सेवाग्राही गुनासो फछ्यौट गरिनेछ ।
९. स्थानीय तहभित्र क्रियाशील गैर सरकारी संस्थाहरुलाई वार्षिक बजेट तथा कार्यक्रममा समावेश गराईनेछ ।
१०. गाउँपालिकाले सम्पादन गरेका कामको व्यवस्थापन परिक्षणका लागि प्रतिवेदन तयारी गरि छलफललाई निरन्तरता दिईनेछ ।
११. गाउँपालिकाको दिगो सुधारको समष्टिगत कार्ययोजना तयरी गरिनेछ ।
१२. सार्वजनिक सेवा प्रवाहलाई सरल, सहज र गुणस्तरीय बनाउन सेवा प्रवाह प्रक्रियामा सूचना तथा सञ्चार प्रविधिलाई विषेश जोड दिईनेछ ।
१३. गाउँपालिका क्षेत्राधिकारभित्र रहेको सार्वजनिक सम्पत्तीको विद्युतीय अभिलेख राखिनेछ ।
१४. संघीय सरकार, प्रदेश सरकारका निकायसँग समन्वय तथा साझेदारीमा सेवाग्राहीहरुलाई उनीहरुको नजिकैबाट सेवा प्रबन्ध गर्न र सेवामा नागरिक पहुँच बढाउन घुम्ती सेवा सञ्चालन गरिनेछ ।
१५. गाउँपालिकाको वडा कार्यालय तथा अन्य सेवा केन्द्रबाट प्रवाह गरिने सेवाको गुणस्तर र प्रभावकारी सुनिश्चत गर्न नियमित अनुगमन गरी देखिएका कमीकमजोरीको सुधार गरिनेछ ।
१६. उपभोक्ताको अधिकारको संरक्षण गर्न बजारमा उपलब्ध हुने वस्तुको स्वाच्छता, गुणस्तरीयता र उचित बजार मूल्यको सुनिश्चितताको लागि उपभोक्ता हित संरक्षण तथा उपभोक्ता शिक्षा सम्बन्धी कार्यक्रम सञ्चालन गरिनेछ ।
१७. स्थानीय राजश्व वृद्धि गर्नका लागि आफ्नो क्षेत्राधिकार भित्रका रावश्व क्षेत्र पहिचानलाई निरन्तरता दिईनेछ ।
१८. गैर सरकारी संघ संस्था तथा अन्तर स्थानीय सहकार्य तथा साझेदारी, सम्झौता वा संयुक्त व्यवस्थापनमा वृहत पूर्वाधार निर्माण, विपद् व्यवस्थापन, फोहोरमैला व्यवस्थापन, एम्बुलेन्स सञ्चालन, असल अभ्यासको आदान प्रदान, वातावरण संरक्षण लगायतका क्षेत्रमा आयोजना तथा कार्यक्रम सञ्चालन गरिनेछ ।
१९. आधारभूत स्वास्थ्य सेवा नागरिक अधिकारका रुपमा कानूनमा सुनिश्चत गर्नका लागि आधा घण्टा वा सो भन्दा कममा सेवा लिनका लागि घुम्ति सेवा सञ्चालन गरिनेछ ।
२०. गाउँपालिका भित्रका गरिब लक्षित स्वास्थ्य विमा कार्यक्रम तर्जुमा गरी कार्यान्वयन गरिनेछ ।
२१. मातृ तथा नवजात शिशु मृत्युदर घटाउन र मातृशिशु स्वास्थ्यको सुनिश्चितताको लागि स्वास्थ्य संस्थामै सुत्केरी गराउन आवश्यक प्रवन्ध मिलाईनेछ ।
२२. पूर्ण खोप, उचित पोषण सेवा, सुरक्षित सुत्केरी सेवा, स्वाच्छता र समयमै उपचारलाई एकीकृत रुपमा लागू गर्न कार्यक्रम तर्जुमा गरि कार्यन्वयन गरिनेछ ।
२३. स्वास्थ्य मानव पूँजी निर्माणको लागि बालबालिकालाई आधारभूत पोषणको सुनिश्चितता गराइनेछ ।
२४. स्थानीय बालअधिकार समितिलाई सक्रिया बनाईनेछ ।
२५. स्थानीय तहको समीष्टिगत उत्पादकत्व वृद्धि गर्दै समृद्धि हासिल गर्नका लागि विकास व्यवस्थापन, विपद् व्यवस्थापन र सेवा प्रवाह लगायतका विभिन्न विषयमा स्वयंसेवामार्फत युवा जनशक्ति परिचालन गरिनेछ ।
२६. युवा जनशक्तिलाई सिप विकास तथा स्वरोजगार प्रवर्द्धन कार्यक्रम सञ्चालन गरिनेछ ।
२७. ज्येष्ठ नागरिकको अधिकारको संरक्षण गर्दै समाजमा उनीहरुको सम्मानजनक र सहज जीवनयापनको सुनिश्चितताको लागि ज्येष्ठ नागरिक लक्षित कार्यक्रम सञ्चालन गरिनेछ ।
२८. आपाङ्गता भएका व्यक्तिको जीवनयापनमा सहजीकरणको लागि आपाङ्गता व्यक्तिहरुलाई प्राथमिकतामा राखी कार्यक्रम सञ्चालन गराईनेछ ।
२९. गाउँपालिकामा रहेका स्थानीय कला, भाषा, संस्कृति, परम्परागत ज्ञान, सीप र प्रविधि तथा पुरातात्विक साम्पदा पहिचान र संरक्षण गरि विवरण अद्यवधिक गरिनेछ ।
३०. मानव अधिकार सम्बन्धी राष्ट्रिय कार्ययोजनाको कार्यान्वयन लागि कार्यक्रम सञ्चालन गरिनेछ ।
३१. गाउँपालिकाले तोकिएका कृषि पकेट क्षेत्र वा कृषि तथा पुशपन्छि विकासको सम्भावना भएका अन्य क्षेत्रमा कृषि उत्पादन, उत्पादकत्व एवम् बजारीकरण प्रवर्द्धनका विकासमा निरन्तरता दिईनेछ ।
३२. गाउँपालिका भित्र सञ्चालित कृषि तथा पशुपन्छि विकास सम्बन्धी समग्र योजना/कार्यक्रमको प्रगति सम्बन्धमा नियमित समीक्षा गरि वास्तविक अवस्था यकिन गरिनेछ ।
३३. युवालाई कृषि पशुपन्छी तथा मत्स्य क्षेत्रको व्यवसायमा आकर्षित गर्न साझेदारी कार्यक्रम सञ्चालन गरिनेछ ।
३४. रैथने बीउ/बाली एवमं प्रजातिको संरक्षण तथा प्रवर्द्धन कार्यक्रमलाई निरन्तरता दिईनेछ ।
३५. गैर सरकारी संस्थाबाट सञ्चलित कार्यक्रमको प्रगित प्रतिवेदनको नियमित अनुगमन गरि उक्त संस्थाबाट गाउँवासी पुगेका सकारत्मक तथा नकारत्मक फाईदा बारे विश्लेषण गरिनेछ ।
३६. गाउँपालिका भित्र रहेका कृषि/पशु पकेट क्षेत्रमा कृषि सडक, विद्युत सेवा, सिँचाई सुविधा लगायतका कृषि पूर्वाधारको पहुँचमा विषेश प्रथमिकता दिईनेछ ।
३७. गाउँपालिकामा रहेको कृषि उपज संकलन केन्द्रलाई व्यवस्थित बनाइनेछ ।
३८. गाउँपालिकाको आर्थिक विकासमा टेवा पुर्याउन कृषि र पशुपन्छी क्षेत्रको प्रवर्द्धनका लागि उच्च उत्पादन सम्भावना भएका क्षेत्रहरुको पहिचान गरिनेछ ।
३९. कृषिमा नवप्रवर्तन/ यान्त्रीकरणमार्फत उत्पादनकत्व वृद्धिको लागि कृषकको सिप, क्षमता विकास तालिम सञ्चालन गरिनेछ ।
४०. स्थानीय उत्पादनलाई प्रोत्साहित गर्नका लागि विद्यालय दिवा खाजामा स्थानीयस्तरमा उत्पदित कृषि तथा पशुपन्छीजन्य खाद्यवस्तुको अनिवार्य प्रयोग गरिनेछ ।
४१. कृषकको लगानीमा हुन सक्ने हानीनोक्सानीको क्षतिपूर्तीको लागि कृषि तथा पशु विमा कार्यक्रम सम्बन्धी जनचेतना कार्यक्रम सञ्चालन गरिनेछ
४२. कृषि/पशुजन्य उत्पादनको उचित मूल्यसहित विक्रि वितरणका लागि उत्पादक, वितरक र उपभोक्ता बीचको अन्तर-आवद्धता कायम गर्ने कार्यक्रम सञ्चालन गरिनेछ ।
४३. मल, बिउ र किटनाशक औषाधीको उपलब्धताको सुनिश्चितता सहित एकीकृत शत्रुजीव व्यवस्थापन (IPM) लगायतका कार्यक्रम कार्यान्वयन गरिनेछ ।
४४. पशुपालन व्यवसायमा हुने क्षति न्यूनीकरण गरि व्यवसायलाई सुरक्षित, व्यवस्थित र दिगो बनाउन पशुमा लाग्ने रोग / महामारी नियन्त्रणका लागि तोकिएका खोप तथा आवश्यक उपचारको समयमै प्रबन्ध गरी रोग फैलावट रोक्न र पशुधनको गर्न विभिन्न कार्यक्रम सञ्चालन गरिनेछ
४५. गाउँपालिका भित्र सञ्चालित सहकारी संस्थाहरुको विवरण अद्यावधिक गर्न अभिमुखिकरण तथा अनुगमनलाई निरन्तरता दिईनेछ ।
४६. सहकारी संस्थाहरुको पारदशिर्ता, जवाफदेहिता र वित्तिय सुशासन कायम गरि आम नागरिकको विश्वनियता अभिवृद्धि गर्न गाउँपालिका भित्र सञ्चालनमा रहेको सहकारीहरुको नियमित अनुगमन गरी सुधारकका लागि निर्देशन दिईनेछ ।
४७. गाउँपालिकाले बाँझो जमिन उपयोगमा किसानलाई प्राविधिक सहयोग, अनुदान, सहुलियतपूर्ण ऋण र बजार सुनिश्चितता गरि कृषि उत्पादन तथा उत्पादकत्व वृद्धि, रोजगारी सिर्जना र खाद्यन्नमा आत्मनिर्भरता बढाउन स्थानीय तहमा रहेको बाँझो जमिनको पहिचान, उपयोगका लागि नीति तर्जुमा गरइनेछ ।
४८. गाउँपालिका भित्र खेतीयोग्य जमिनको उत्पादन तथा उत्पादकत्व वृद्धि गर्नका लागि सिँचाई आयोजना विस्तार गरिनेछ ।
४९. गाउँपालिका भित्रका आर्थिक विकास सम्भावनाका क्षेत्रहरु पहिचान गरि बजेट व्यवस्थापन गरिनेछ ।
५०. उत्पादन र रोजगारी प्रवर्द्धनका लागि निजी क्षेत्रहरु सँगको साझेदारीमा कार्यक्रम सञ्चालन गरिनेछ ।
५१. गाउँपालिका भित्र सञ्चालन रहेका व्यवसायिक गतिविधिहरुलाई नियमित र कानूनसम्मत रुपमा सञ्चालन गर्नका लागि सहयोग गरिनेछ ।
५२. गाउँपालिकामा संचालनमा रहेका लघु, घरेलु तथा साना उद्यम व्यवसायलाई प्रतिपर्धी र दिगो बनाउन क्षमता विकास तथा प्रवर्द्धन कार्यक्रम सञ्चान गरिनेछ ।
५३. गाउँपालिकामा उत्पादनको प्रवर्द्धन र बजार सुनिश्चितता गर्नका लागि उद्यम घर स्तरोन्ती गरिनेछ ।
५४. गाउँपालिका क्षेत्रभित्र रहेका पर्यटकीय सम्भावनाका क्षेत्रहरु पहिचान गरिसकेको हुँदा सोको संरक्षण तथा प्रवर्द्धनका लागि पर्यटन पूर्वाधार विकासमा तथा क्षमता विकास कार्यक्रम सञ्चालनमा जोड दिईनेछ ।
५५. गाउँपालिका भित्र बसोबास गर्ने नागरिकहरुलाई वित्तीय व्यवस्थापनको विषयमा आधारभूत जानकारी प्रदान गर्नका लागि बैंक तथा वित्तीय संस्थाहरु सँगको सहकार्य तथा साझेदारीमा वित्तीय शाक्षरता अभिवृद्धि कार्यक्रम सञ्चालन गरिनेछ ।
५६. गाउँपालिकाले रोजगार सेवा केन्द्र मार्फत स्थानीय तहमा रहेका श्रमिक (स्वदेशी तथा विदेशी) को शिक्षा, ज्ञान, सीप तथा अनुभवको अद्यावधिक लगत सङ्कलन तथा सूचना व्यवस्थापन गर्दै स्थानीय जनशक्तिलाई रोजगारी आन्तरिक तथा वैदेशिकका लागि सूचना, सीप, परामर्श लगायतका रोजगार सेवाहरु उपलब्ध गरिनेछ ।
५७. गाउँपालिकाले स्थानीय आर्थिक क्रियाकलापमार्फत व्यवसाय प्रवर्द्धन र रोजगारी सिर्जना गर्न वैदेशिक रोजगारीबाट फर्केका व्यक्तिहरुको योग्यता, ज्ञान, सीप, अनुभवलाई स्थानीय आवश्यकतानुसार उपयोग गर्न उनीहरु उद्यम तथा व्यवसायमा संलग्नता भए/नभएको एकिन गरी रोजगार सूचना प्रणालीमा विवरण अद्यावधिक गरिनेछ ।
५८. रोजगारीको हकलाई कार्यान्वयन गर्ने गरी गाउँपालिकाले आफ्नो क्षेत्रभित्र रहेका उद्यमशीलता तथा सीप विकास तालिम प्राप्त गरेका व्यक्तिलाई रोजगारी तथा स्वरोजगारीमा संलग्न गराउन कार्यक्रम तर्जुमा गरी कार्यान्वयन गरिनेछ ।
५९. गाउँपालिकले रोजगार व्यवस्थापन सूचना प्रणालीमा सूचीकृत बेरोजगार व्यवस्थापन सूचना प्रणालीमा सूचीकृत बेरोजगार व्यक्तिमध्ये मूल्याङ्कन वर्षमा सार्वजनिक, निजी तथा गैरसरकारी क्षेत्रमा तोकिए बमोजिमको न्यूनतम रोजगारी प्राप्त गरेका व्यक्तिको विवरण अद्यावधिक गरिनेछ ।
६०. व्यवसायको व्यावसायिक निरन्तरता र दिगोपनाको लागि गाउँपालिकाबाट सिधै वा सोको समन्वय र सहजीकरणमा अनुदान प्राप्त गरी साना तथा घरेलु उद्योग वा व्यवसाय सञ्चालन गरेका व्यावसायीहरुले कम्तिमा ३ वर्षसम्म निरन्तर व्यवसाय सञ्चालन गर्न आवश्यक व्यवस्था मिलाइनेछ ।
६१. स्थानीय तह भित्रका हरेक वडा, गाउँ, टोललाई कृषि तथा पशुपन्छी घरेलु तथा हस्तकला लगायत अन्य वस्तुहरुको उत्पादनमार्फत स्थानीय आर्थिक विकासमा सहयोग गर्न कार्यक्रम सञ्चालन गराईनेछ ।
६२. स्थानीय आर्थिक वृद्धिमा योगदान पुर्याउन स्थानीय तहको विशिष्ट पहिचान र विशेषता झल्कने किसिमका स्थानीय उत्पादनको प्रवर्द्धन र बजारिकरणका लागि गाउँपालिकाले आवश्यक कार्यक्रम सञ्चालन गरिनेछ ।
६३. स्थानीय तहमा उत्पादन भएका व्यावसायिक उत्पादनको गुणस्तर कायम गर्दै उत्पादित वस्तुको संख्या बृद्धि गर्न प्रमुख स्थानीय व्यावसायिक उत्पादनको सार्वजनिक/निजी/सहकारी क्षेत्रसँगको साझेदारीमा प्याकेजिङ/ब्राण्डिङ गर्ने व्यवस्था मिलाईनेछ ।
६४. स्थानीय तहमा उत्पादन भएका वस्तुहरुको माग र आपूर्तिबीच सन्तुलन कायम गर्न स्थानीय उत्पादनलाई बजारको सुनिश्चित गर्ने गरी आपूर्ति
श्रृङ्खला (Market Supply) सँग आबद्ध गर्दै बजारमाथिको पहुँच (Market Access) कायम गर्न गाउँपालिकाले आवश्यक कार्यक्रम सञ्चालन गर्नेछ
६५. स्थानीय तहबाट निर्माण भएका तथा निर्माण हुने सडकमा राष्ट्रिय तथा प्रादेशिक मापदण्ड बमोजिम सडक अधिकार क्षेत्र कायम लागि गाउँपालिकाले स्थानीय सडकको दायँ बायँको अधिकार क्षेत्र (Right of Way) को सीमा कार्यान्वयनलाई निरन्तरता दिईनेछ ।
६६. स्थानीय सडकको गुणस्तर र दिगोपन कायम गर्दै यातायातमा सहजता र सडकको सुरक्षा सुनिश्चित गर्न गाउँपालिकाले स्थानीय सडक निर्माण गर्दा स्वीकृत मापदण्डको अतिरिक्त पानीको उचित निकासको प्रबन्ध गरिनेछ ।
६७. स्थानीय तहले निर्धारित समयमै गुणस्तरीय सडक निर्माण र मर्मत सम्भारको कार्य सम्पन्नका लागि गाउँपालिकाले सडक निर्माण तथा मर्मत सम्भारको वार्षिक लक्ष्य निर्धारण गरी कार्यसम्पादन गरिनेछ ।
६८. स्थानीय तहमा सेवा प्रवाह गर्ने संस्थाहरु सधैभरी सेवाग्राहीको पहुँचका लागि सडकमार्फत यातायातको पहुँच सुनिश्चित गर्न गाउँपालिकाको केन्द्र, सबै वडा केन्द्र, स्वास्थ्य सेवा केन्द्रसम्म बाह्रै महिना यातायात सञ्चालन हुने गरी सडक पहुँचको व्यवस्थालाई स्तरीकरण गरिनेछ ।
६९. सार्वजनिक सेवाको पहुँच वृद्धि गर्न, स्थानीय उत्पादनलाई बजारसँग जोड्न र स्थानीय जनजीविकालाई सहज बनाउन नागरिकको सार्वजनिक यातायात माथिको पहुँच सहज बनाउनु प्रत्येक घरधुरीलाई बढीमा ३० मिनेटको दुरीमा सार्वजनिक यातायातको पहुँच पुर्याउने व्यवस्था गरिनेछ ।
७०. स्थानीय तहमा सुरक्षित भवन नवनिर्माण मार्फत नागरिकको सुरक्षा सुनिश्चित गर्न गाउँपालिकाले नेपाल सरकारबाट स्वीकृत शहरी योजना तथा भवन निर्माण सम्बन्धी आधारभूत निर्माण मापदण्ड अनुसार नक्सापास गरेर मात्र भवन निर्माण प्रक्रियालाई अगाडि बढाईनेछ ।
७१. नागरिकको जनधनको सुरक्षा गर्न र गुणस्तरीय भवन निर्माणको सुनिश्चितताका लागि गाउँपालिकाले आफ्नो क्षेत्रभित्र भवन निर्माण गर्दा प्राविधिकको साइट भिजिट, निर्माणको क्रममा चरणगत प्राविधिक निरीक्षण तथा निर्माण सम्पन्न प्रमाणपत्र जारी गर्ने प्रक्रिया स्पष्ट खुल्ने व्यवस्था मिलाई राष्ट्रिय भवन संहिता (वा सो बमोजिमको स्थानीय मापदण्ड) को प्रभावकारी कार्यान्वयन गरिनेछ ।
७२. स्थानीय तहले प्रवाह गर्न सेवा सहज, सुरक्षित, व्यवस्थित र सेवाग्राहीमैत्री बनाउनका लागि विद्यालय, स्वास्थ्य संस्था, सेवा केन्द्र लगायतका स्थानीय सेवा प्रदायक निकायहरुका लागि आवश्यक भवन तथा अन्य पूर्वाधार निर्माण र नियमित मर्मत सम्भार गरिनेछ ।
७३. बालबालिकाको शारीरिक सुरक्षा, मानसिक एवम् भावनात्मक विकास तथा समावेशी शिक्षा प्रवर्द्धनका लागि गाउँपालिकाले स्वीकृत मापदण्ड बमोजिम सुरक्षित र बालमैत्री विद्यालय भवन तथा कक्षा कोठाको निर्माण कार्यलाई निरन्तरता दिईनेछ ।
७४. शिक्षण सिकाइ प्रक्रियामा सूचना प्रविधिको उपयोग गरी गुणस्तरीय शिक्षा र अनुसन्धान तथा नवप्रवर्तनमा आधारित सिकाइ सुनिश्चित गर्न गाउँपालिका अन्तर्गतका सबै सामुदायिक विद्यालयमा इन्टरनेट सेवाको पहुँचको व्यवस्थापन गरिनेछ ।
७५. स्थानीय तहबाट प्रवाह गरिने सेवालाई छिटो छरितो र प्रभावकारी बनाउँदै सम्पादित कामलाई डिजिटल प्रविधिको प्रयोगबाट पारदर्शी र जवाफदेही बनाउन गाउँपालिका भित्रका सबै सार्वजनिक संस्थाहरुमा विद्युत र इन्टरनेट सेवाको पहुँच विस्तार गरिनेछ ।
७६. आन्तरिक नियन्त्रण प्रणालीलाई प्रभावकारी बनाउन कर्मचारीको हाजिरी व्यवस्थापनलाई प्रविधिसँग आबद्ध गरी कार्यालय समयको पालना, अनुशासन र जवाफदेहिता प्रवर्द्धनका लागि गाउँपालिकाले इन्टरनेट पहुँच पुगेका कार्यापालिका/वडा कार्यालय/स्वास्थ्य संस्था तथा सबै सामुदायिक विद्यालयमा विद्युतीय हाजिरीको व्यवस्था मिलाईनेछ ।
७७. गाउँपालिकाले आफ्ना नागरिकहरुलाई स्वच्छ खानेपानीको प्रबन्धका लागि खानेपानी आयोजना निर्माण तथा मर्मत सम्भारको वार्षिक लक्ष्य सहितको कार्यक्रम तर्जुमा गरी कार्यान्वयन गरिनेछ ।
७८. खानेपानीको शुद्धता, स्वच्छता र स्रोतको दिगोपनाको लागि यसको गुणस्तर परिक्षणका लागि गाउँपालिका भित्रका खानेपानीका श्रोत/मुहानको नियमित रुपमा गुणस्तर परीक्षण गरी शुद्धताको सुनिश्चितता गरिनेछ ।
७९. पूर्वाधार आयोजनाको प्रत्यक्ष लाभ सुनिश्चित गरी सार्वजनिक लगानीको प्रभावकारिता दिगोपना कायम गर्न गाउँपालिकाबाट निर्माण सम्पन्न भएका पूर्वाधार आयोजनाहरुलाई उपयोगमा ल्याईनेछ ।
८०. निर्माण सम्पन्न स्थानीय पूर्वाधार आयोजनाको दिगोपना कायम राखी सार्वजनिक सुरक्षा र आयोजनाको प्रतिफल उच्च तुल्याई सार्वजनिक स्रोतको मितव्ययी र प्रभावकारी उपयोगको सुनिश्चित गर्न गाउँपालिकाले निर्माण गरेका पूर्वाधार आयोजनाको नियमित मर्मत सम्भार गरिनेछ ।
८१. निर्माण सम्पन्न भएका स्थानीय पूर्वाधार आयोजना सञ्चालनमा लाभग्राहीको अपनत्व सिर्जना गरी दिगोपना कायम राख्ख गाउँपालिकाले आफ्नो क्षेत्रभित्रका पूर्वाधार आयोजनामा लाभग्राही सहितको पूर्वाधार संरक्षण तथा उपयोग व्यवस्थापन समिति गठन गरी क्रियाशील बनाईनेछ
८२. स्थानीय तहमा वातावरण संरक्षण तथा विपद् जोखिम विविधता र सम्पत्तिको सुरक्षाको लागि गाउँपालिकाले भौगोलिक सूचना प्रणालीमा आधारित नक्सांकन (Spatial Based GIS Mapping) सहितको जोखिम संवेदनशील भू-उपयोग योजना वा मापदण्ड निर्माण गरिनेछ ।
८३. योजनाबद्ध बस्ती विकास, विपद जोखिम न्यूनीकरण र पूर्वाधार विकास तथा सेवा प्रवाहमा सहजताको लागि गाउँपालिकाले आफ्नो क्षेत्र भित्रका जग्गाको खण्डीकरण वा प्लटिङ्ग गर्नुपूर्व स्वीकृति लिनुपर्ने व्यवस्था सहितको मापदण्डको पालना निर्माण गरि कार्यन्वयन गरिनेछ ।
८४. स्वच्छ वातावरण तथा जैविक विविधता संरक्षण, विपद् व्यवस्थापन र पर्यटन प्रवर्द्धनको लागि गाउँपालिकाले आफ्नो क्षेत्रभित्रका हरियाली पार्क, खुला क्षेत्र, ताल तलैया, पोखरी लगायतका पानीका स्रोतहरु र सिमसार क्षेत्रको विवरण अद्यावधिक गर्दै तीनको संरक्षण तथा दिगो उपयोगको लागि कार्यक्रम सञ्चालन गरिनेछ ।
८५. जैविक विविधता, वातावरण संरक्षण, प्राकृतिक सम्पदाको संरक्षण तथा उपयोगमा गाउँपालिकाले आफैं वा निजी तथा गैर सरकारी क्षेत्र, सामाजिक संघ-संस्था, सामुदायिक संगठन लगायतसँगको समन्वय र सहकार्यमा कार्यक्रम सञ्चालन गरिनेछ ।
८६. गाउँपालिकाले वातावरण संरक्षण, जलवायु अनुकुलन, स्थानीय विपद् व्यवस्थापन तथा जलवायु उत्थानशीलता अभिवृद्धि सम्बन्धी क्रियाकलाप सञ्चालन गर्न स्थानीय विपद तथा जलवायु उत्थानशील योजना/कार्ययोजना तर्जुमा र अद्यावधिक गरी कार्यान्वयन गरिनेछ ।
८७. वातावरण संरक्षण, जलवायु अनुकूलन, स्थानीय विपद व्यवस्थापन तथा जलवायु उत्थानशीलता अभिवृद्धि सम्बन्धी क्रियाकलाप सञ्चालन गर्न गाउँपालिकाले अन्य सरकारी तथा गैर सरकारी एवं निजीसँग आवश्यकतानुसार समन्वय, सरकार्य र साझेदारी गरिनेछ । ।
८८. स्थानीय तहले फोहरको स्रोतमै वर्गीकरण गरी उचित व्यवस्थापन गर्नका लागि नागरिक सचेतना अभिवृद्धि कार्यक्रम सञ्चालन र घरपरिवार, स्वास्थ्य संस्था तथा सार्वजनिक स्थल लगायतबाट सिर्जित फोहरको प्रकृति अनुसार छुट्टाछुट्टै सङ्कलन गर्ने व्यवस्था मिलाईनेछ ।
८९. पेट्रोलियम पदार्थ र दाउराको प्रयोगलाई न्यूनिकरण गरी वातावरणीय स्वच्छता र उर्जामाथिको परनिर्भरता घटाउन गाउँपालिकाले वैकल्पिक उर्जाको प्रयोगलाई प्रोत्साहित गर्ने कार्यक्रम तर्जुमा गरी कार्यान्वयन गराईनेछ ।
८५. जैविक विविधता, वातावरण संरक्षण, प्राकृतिक सम्पदाको संरक्षण तथा उपयोगमा गाउँपालिकाले आफैं वा निजी तथा गैर सरकारी क्षेत्र, सामाजिक संघ-संस्था, सामुदायिक संगठन लगायतसँगको समन्वय र सहकार्यमा कार्यक्रम सञ्चालन गरिनेछ ।
८६. गाउँपालिकाले वातावरण संरक्षण, जलवायु अनुकुलन, स्थानीय विपद् व्यवस्थापन तथा जलवायु उत्थानशीलता अभिवृद्धि सम्बन्धी क्रियाकलाप सञ्चालन गर्न स्थानीय विपद तथा जलवायु उत्थानशील योजना/कार्ययोजना तर्जुमा र अद्यावधिक गरी कार्यान्वयन गरिनेछ ।
८७. वातावरण संरक्षण, जलवायु अनुकूलन, स्थानीय विपद व्यवस्थापन तथा जलवायु उत्थानशीलता अभिवृद्धि सम्बन्धी क्रियाकलाप सञ्चालन गर्न गाउँपालिकाले अन्य सरकारी तथा गैर सरकारी एवं निजीसँग आवश्यकतानुसार समन्वय, सरकार्य र साझेदारी गरिनेछ । ।
८८. स्थानीय तहले फोहरको स्रोतमै वर्गीकरण गरी उचित व्यवस्थापन गर्नका लागि नागरिक सचेतना अभिवृद्धि कार्यक्रम सञ्चालन र घरपरिवार, स्वास्थ्य संस्था तथा सार्वजनिक स्थल लगायतबाट सिर्जित फोहरको प्रकृति अनुसार छुट्टाछुट्टै सङ्कलन गर्ने व्यवस्था मिलाईनेछ ।
८९. पेट्रोलियम पदार्थ र दाउराको प्रयोगलाई न्यूनिकरण गरी वातावरणीय स्वच्छता र उर्जामाथिको परनिर्भरता घटाउन गाउँपालिकाले वैकल्पिक उर्जाको प्रयोगलाई प्रोत्साहित गर्ने कार्यक्रम तर्जुमा गरी कार्यान्वयन गराईनेछ ।८५. जैविक विविधता, वातावरण संरक्षण, प्राकृतिक सम्पदाको संरक्षण तथा उपयोगमा गाउँपालिकाले आफैं वा निजी तथा गैर सरकारी क्षेत्र, सामाजिक संघ-संस्था, सामुदायिक संगठन लगायतसँगको समन्वय र सहकार्यमा कार्यक्रम सञ्चालन गरिनेछ ।
८६. गाउँपालिकाले वातावरण संरक्षण, जलवायु अनुकुलन, स्थानीय विपद् व्यवस्थापन तथा जलवायु उत्थानशीलता अभिवृद्धि सम्बन्धी क्रियाकलाप सञ्चालन गर्न स्थानीय विपद तथा जलवायु उत्थानशील योजना/कार्ययोजना तर्जुमा र अद्यावधिक गरी कार्यान्वयन गरिनेछ ।
८७. वातावरण संरक्षण, जलवायु अनुकूलन, स्थानीय विपद व्यवस्थापन तथा जलवायु उत्थानशीलता अभिवृद्धि सम्बन्धी क्रियाकलाप सञ्चालन गर्न गाउँपालिकाले अन्य सरकारी तथा गैर सरकारी एवं निजीसँग आवश्यकतानुसार समन्वय, सरकार्य र साझेदारी गरिनेछ । ।
८८. स्थानीय तहले फोहरको स्रोतमै वर्गीकरण गरी उचित व्यवस्थापन गर्नका लागि नागरिक सचेतना अभिवृद्धि कार्यक्रम सञ्चालन र घरपरिवार, स्वास्थ्य संस्था तथा सार्वजनिक स्थल लगायतबाट सिर्जित फोहरको प्रकृति अनुसार छुट्टाछुट्टै सङ्कलन गर्ने व्यवस्था मिलाईनेछ ।
८९. पेट्रोलियम पदार्थ र दाउराको प्रयोगलाई न्यूनिकरण गरी वातावरणीय स्वच्छता र उर्जामाथिको परनिर्भरता घटाउन गाउँपालिकाले वैकल्पिक उर्जाको प्रयोगलाई प्रोत्साहित गर्ने कार्यक्रम तर्जुमा गरी कार्यान्वयन गराईनेछ ।
९०. स्थायी बसोबास तथा सुकुबासीहरुलाई व्यवस्थापन गर्नका लागि नेपाल सरकारको मापदण्ड बमोजिम नीति निर्माण गरि व्यवस्थापन गराइनेछ
९१. गाउँपालिका भित्रका सार्वजनिक जग्गाहरुको पहिचान तथा अभिलेखिकरण गरिनेछ ।
९२. कार्बन उत्सर्जन न्यूनिकरणमार्फत वातावरणीय स्वच्छता कायम गर्न सहयोग पुग्ने गरी गाउँपालिकाले आफ्नो क्षेत्रभित्र वैकल्पिक प्रविधि (विद्युतीय चुलो, सुधारिएको चुलो, बायोउर्जा लगायत) को प्रयोगलाई प्रोत्साहन गरी त्यस्तो प्रविधि प्रयोग गर्ने घरधुरी सङ्ख्या बढाउदै लैजानेछ 1
९३. स्थानीय स्तरमा प्राकृतिक तथा मानवीय कारणले आउन सक्ने विपद्‌को घटनालाई न्यूनिकरण र व्यवस्थापन गर्न गाउपालिका र वडा स्तरीय विपद् व्यवस्थापन समिति लाई कृयाशील बनाईनेछ ।
९४. स्थानीय स्तरमा आउनसक्ने विपद्‌को पूव तयारी तथा प्रतिकार्यको लागि मार्गदर्शन गर्न गाउँपालिकाले स्थानीय विपद् तयारी तथा प्रतिकार्य योजना तर्जुमा गरी कार्यन्वयन गरिनेछ ।
९५. सामाजिक संजालको प्रयोग मार्फत पालिकाको असल अभ्यास लगायत विविध विषयमा सकारात्मक प्रचार प्रसार गर्ने कर्मचारीलाई प्रोत्साहित गरिनेछ साथै सेवा प्रवाहमा उत्कृष्ट कर्मचारीहरुलाई पुरस्कृत तथा सम्मान गर्ने नीति ल्याइनेछ ।
९६. जनप्रतिनिधि सँग विद्यार्थी गुनासो कार्यक्रम सञ्चालन गरिनेछ ।
९७. तेमाल गाउँपालिकाबाट प्रवाह हुने सेवालाई जन समुदायमा समक्ष पुर्याउनका लागि सूचना प्रविधिको प्रयोगलाई प्रथमिकता दिईनेछ ।

अन्त्यमा,
तेमाल गाउँपालिकालाई जनअपेक्षा अनुरुपको प्रभावकारी स्थानीय सरकारको रुपमा विकास गर्न आवश्यक सहयोग गर्ने नेपाल सरकार, प्रदेश सरकार, जनप्रतिनिधि, निजी क्षेत्र, नागरिक समाज, विभिन्न संघसंस्था, सुरक्षाकर्मी, पत्रकार, गाउँवासी, बुद्धिजिवी र कर्मचारी वर्ग साथै विश्वको विभिन्न कुनाबाट तेमाललाई माया गर्नु हुने सम्पूर्णमा हार्दिक धन्यवाद ज्ञापन गर्दै सधैं गरुरेम्पोछेंले यहाँहरुको कल्याण गरुन् । जय तेमाल
धन्यवाद !
चन्द्र बहादुर तामाङ
सभाध्यक्ष

काठमाडौं । वैदेशिक रोजगारीमा आकर्षक तलबको प्रलोभनमा पारी विभिन्न देश पठाइदिन्छु भन्दै रकम ठगी गरेको अभियोगमा ६ जनालाई प्रहरीले पक्राउ गरेको छ।

पक्राउ पर्नेहरूमा काठमाडौं महानगरपालिका-१२ बस्ने स्याङ्जा घर भएका ६३ वर्षीय हुम बहादुर कुँवर, सोही महानगरपालिका-३ बस्ने सोलुखुम्बु घर भएका ३१ वर्षीय लोकेन्द्र बस्नेत, ललितपुर महालक्ष्मी नगरपालिका-३ बस्ने सुनसरी घर भएका ४९ वर्षीय तोरण कुमार कार्की, ललितपुर महानगरपालिका-१३ बस्ने रामेछाप घर भएका ३७ वर्षीय रबिन्द्र खत्री, काठमाडौं टोखा बस्ने गोरखा घर भएका ४२ वर्षीय निरज गुरुङ र भक्तपुर सूर्यविनायक नगरपालिका-२ बस्ने पर्सा घर भएका ४७ वर्षीया रिन्कु कुमारी रौनियार रहेका छन्।

पक्राउ मध्ये हुम बहादुरले युके पठाइदिन्छु भन्दै २ जना पीडितहरूबाट ८८ लाख ७० हजार रुपैयाँ, लोकेन्द्रले हङकङ पठाइदिन्छु भन्दै १ जनाबाट ३ लाख ३० हजार रुपैयाँ, तोरण कुमारले सर्बिया पठाइदिन्छु भन्दै १ जनाबाट ६ लाख रुपैयाँ, रविन्द्रले बुल्गेरिया पठाइदिन्छु भन्दै १ जनाबाट ३ लाख रुपैयाँ, निरजले आइसल्यान्ड पठाइदिन्छु भन्दै ४ जनाबाट ११ लाख ५६ हजार रुपैयाँ र रिन्कु कुमारीले सर्बिया पठाइदिन्छु भन्दै ४ जनाबाट ६ लाख रुपैयाँ लिई सम्पर्कविहीन भएपछि पीडितहरूले उजुरी दिएका थिए।

पीडितको उजुरीका आधारमा काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले हुम बहादुरलाई काठमाडौं महानगरपालिका-१२ बाट, लोकेन्द्रलाई काठमाडौं महानगरपालिका-७ बाट र तोरण कुमारलाई काठमाडौं महानगरपालिका-४ बाट सोमबार, रविन्द्रलाई ललितपुर पुल्चोकबाट र निरजलाई काठमाडौं महानगरपालिका-२६ बाट शुक्रबार तथा रिन्कु कुमारीलाई भक्तपुर सूर्यविनायक नगरपालिका-२ बाट शनिबार पक्राउ गरेको हो।

उनीहरूलाई आवश्यक अनुसन्धान तथा कारबाहीका लागि वैदेशिक रोजगार विभाग पठाइएको छ।

काठमाडौं । स्वतन्त्र सांसद महावीर पुन मन्त्री बन्ने भएका छन्। प्रधानमन्त्री वालेन्द्र शाहले पुनलाई विज्ञान, प्रविधि तथा नवप्रवर्तन मन्त्रालयको जिम्मेवारी दिने तयारी गरेका छन्।

उनको शपथ आजै हुने स्रोतले जनाएको छ। यसअघि सुशीला कार्की नेतृत्वको सरकारमा पुनले शिक्षामन्त्रीको जिम्मेवारी सम्हालेका थिए। शिक्षा क्षेत्रमा आफूले अघि सारेका सुधारका कार्यक्रम कार्यान्वयन गर्न पर्याप्त सहयोग नपाएको भन्दै उनले मन्त्री पदबाट राजीनामा दिएका थिए।

राजीनामापछि पुन प्रत्यक्ष राजनीतिमा सक्रिय हुँदै निर्वाचनमा सहभागी भएका थिए। उनी म्याग्दीबाट प्रतिनिधिसभा सदस्यमा निर्वाचित भएका हुन्।

बालेन सरकारमा सहभागी हुने पुन राष्ट्रिय स्वतन्त्र पार्टी (रास्वपा) बाहेकका एक मात्र सांसद हुनेछन्। विज्ञान, प्रविधि तथा नवप्रवर्तन क्षेत्रका अभियन्ताका रूपमा परिचित पुनको मन्त्रिपरिषद् प्रवेशलाई सरकारको प्राविधिक तथा नवप्रवर्तनसम्बन्धी नीतिमा नयाँ ऊर्जा थप्ने कदमका रूपमा हेरिएको छ।

काठमाडौं । प्रधानमन्त्री वालेन्द्र शाहले पूर्वगृहमन्त्री सुधन गुरुङलाई पुनः गृहमन्त्री नियुक्त गर्ने निर्णय गरेका छन्। सम्पत्ति विवरण र लगानीसम्बन्धी विवादपछि राजीनामा दिएका गुरुङलाई पुनः मन्त्रिमा फर्काउने तयारी गरिएको हो।

मंगलबार बसेको मन्त्रिपरिषद् बैठकले गुरुङसम्बन्धी अध्ययन तथा छानबिन गर्न गठित समितिको प्रतिवेदन ग्रहण गरेसँगै उनको पुनर्नियुक्तिको बाटो खुलेको स्रोतले जनाएको छ।

सरकारले यसअघि गुरुङमाथि उठेका प्रश्नहरूको अध्ययन गर्न छानबिन समिति गठन गरेको थियो। समितिले आफ्नो प्रतिवेदनमा गुरुङलाई प्रत्यक्ष रूपमा दोषी नदेखिएको निष्कर्ष निकालेपछि उनलाई पुनः गृह मन्त्रालयको जिम्मेवारी दिन लागिएको बताइएको छ।

गृहमन्त्रीको शपथका आजै राष्ट्रपति कार्यालयमा दिउँसो ३ बजे हुने तयारी छ।

व्यवसायी दीपक भट्टसँगको साझेदारी तथा सम्पत्ति विवरणसम्बन्धी विषय सार्वजनिक भएपछि गुरुङले नैतिक जिम्मेवारी स्वीकार गर्दै गृहमन्त्री पदबाट राजीनामा दिएका थिए। त्यसबेला उनले आफ्नो शेयर लगानीसम्बन्धी विषयमा उठेका प्रश्न, टिप्पणी र जनचासोलाई गम्भीरतापूर्वक लिँदै पद त्याग गरेको बताएका थिए।

छानबिन समितिको प्रतिवेदन सार्वजनिक भएपछि गुरुङलाई पुनः गृहमन्त्रीमा नियुक्त गर्ने सहमति भएको हो ।

काठमाडौं । नेकपा एमालेका अध्यक्ष केपी शर्मा ओलीले भदौं २३–२४ गतेको घटना प्रायोजित रहेको टिप्पणी गरेका छन् ।

एमालेको केन्द्रीय संगठन विभागले आयोजना गरेको कार्यक्रममा बोल्दै ओलीले भदौ २३-२४ को घटना प्रायोजित रहेको बताउदै राष्ट्रिय मानवअधिकार आयोगको प्रतिवेदनले स्पष्ट रुपमा उल्लेख गरेको बताएका हुन् ।

ओलीले आगो कसरी लगाउने, अत्यन्त प्रज्वलनशिल वस्तुहरु कसरी बनाउने ? पेट्रोल बम कसरी बनाउने ? छिटो आगो लगाउने भन्ने जस्ता कुराहरु, राष्ट्रयव्यापी रुपमा आगलागीका घटना कसरी गराउने भन्ने पुरै तयारी गरिएको दाबि गरे ।

उनले भदौंको घटनाका बेला आफूहरु लोकतान्त्रिक र संवैधानिक रुपमा बलियो अवस्थामा रहेको बताउँदै जनताबाट निर्वाचित वहुमत प्राप्त सरकारमा रहेको अवस्थामा नै षड्यन्त्र गरेर विस्थापित गरिएको आरोप लगाए ।

error: कपि गर्नु राम्रो होइन ! कृपया आफ्नो भाषामा लेख्नु होला !

ताजा अपडेट

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।