२०८३ मंसिर ७
२०८३ मंसिर ७

काठमाडौं । लागुपदार्थ सेवन गरी सवारी साधन चलाउँदै गरेका २ जना चालकहरुलाई शुक्रबार ट्राफिक प्रहरीले काठमाडौँको नागढुंगाबाट नियन्त्रणमा लिएको छ । प्रदेश २-०३-००१ ख ५९ ६५ नम्बरका ट्रक चालक रौतहटका ३० वर्षीय लेखनाथ न्यौपाने र बागमती प्रदेश ०३- ००१ ख २००३ नम्बरका कन्टेनर चालक र धादिङको बेनिघाट रोराङ गाउँपालिका ५ चरौदीका ३३ वर्षीय रुपक कंडेललाई ट्राफिक प्रहरीले नियन्त्रणमा लिएको हो ।

नेपाल प्रहरी अस्पतालको प्राविधिक टोलीले उनीहरूको पिसाव, Drugs kit मा राखेर चेक गर्दा लागुपदार्थ सेवन गरेको प्रमाणित भएको थियो । प्रहरी अस्पतालको प्राविधिक सहयोगमा निरन्तर रुपमा काठमाडौँ उपत्यका ट्राफिक प्रहरी कार्यालय र लागुऔषध नियन्त्रण ब्युरो कोटेश्वरको संयुक्त टोलीले उपत्यकाका विभिन्न स्थानमा सवारी साधनका चालकहरूले नशालु पदार्थ सेवन गरे/नगरेको चेक गर्दै आएको छ । नागढुंगा आज २५ ओटा सवारी साधनलाई चेक गर्दा २ ओटा सवारी साधनका चालकले भने लागुपदार्थ सेवन गरेको पाइएको हो ।

नियन्त्रणमा आएका सबै जनालाई आवश्यक अनुसन्धान तथा कारबाहीका लागी प्रहरी वृत्त थानकोट बुझाइएको छ । चालकलेनै लागुपदार्थ सेवन गरी सवारी साधन चलाउनु आफैंमा नियम विपरीत तथा दण्डनीय कार्य भएको काठमाडौं उपत्यका ट्राफिक प्रहरी कार्यालयका प्रहरी वरिष्‍ठ उपरीक्षक जीवन कुमार श्रेष्‍ठले बताए ।

काठमाडौें । इन्टरटेन्मेन्ट टेबलटेनिस ग्रुपको आयोजनामा पाँचौं इन्टरटेन्मेन्ट टेबलटेनिस प्रतियोगिता शनिबार हुने भएको छ ।

प्रतियोगितामा १ सय २८ खेलाडीको सहभागिता रहने आयोजक इन्टरटेन्मेन्टका अध्यक्ष सुमन खड्गीले जनाएका छन् । सहभागिताका लागि सबैलाई खुला गरिएको प्रतियोगितामा १ मात्र डबल्स स्पर्धामा प्रतिस्पर्धा हुनेछ । डबल्समा पुरुष÷महिला, पुरुष÷पुरुष र महिला÷महिला खेलाडीको जोडी रहन सक्ने छन् ।

शीर्ष तीन स्थानमा रहने खेलाडीले क्रमशः ४० हजार, ३० हजार र १०÷१० हजार नगद पुरस्कार प्राप्त गर्ने छन् । उत्कृष्ट २ खेलाडीलाई जनही १० हजार नगदबाट पुरस्कृत गरिने छ ।

ललितपुर जिल्ला टेबलटेनिस संघको सहयोगमा हुन लागेको एकदिने प्रतियोगिताका खेलहरु महालक्ष्मीस्थानस्थित रिभाइभ लिजर पार्कमा खेलाइने छ । प्रतियोगिताको बागमती प्रदेशका सांसद् मिनकृष्ण महर्जनले उद्घाटन गर्ने कार्यक्रम रहेको छ ।

काठमाडौं । चन्द्रमा थापा क्षेत्रीले पारा तथा विशेष खेलकुदअन्तर्गत पारा एथलेटिक्स प्रतियोगितामा शुक्रबार दोहोरो स्वर्ण जितेकी छन् । चन्द्रमाले होचा÷पुड्का महिलाको १ सय र २ सय मिटर दौडमा स्वर्ण जितेकी हुन् ।

चन्द्रमाले १ सय मिटर दौड २१.२५ सेकेन्डमा पूरा गरिन् । सिर्जना सेन्चुरी दोश्रो तथा अमृता बाँस्तोला तेश्रो भइन् । २ सय मिटर दौड ४५.२६ सेकेन्डमा पूरा गर्दै चन्द्रमाले अर्को स्वर्ण जितिन् । सिर्जना तथा अमृता नै क्रमशः दोश्रो र तेश्रो भए ।

राष्ट्रिय खेलकुद परिषद् (राखेप) को आयोजना तथा नेपाल पारा एथलेटिक्स संघको व्यवस्थापनमा भएको प्रतियोगिताको व्हीलचेयर पुरुष १ सय मिटरमा लक्ष्मीराज भट्ट पहिलो भए । उनले २६.७६ सेकेन्ड समय लगाए । सविन थापा दोश्रो तथा सन्तोष कार्की तेश्रो भए । सो स्पर्धाको महिलामा ऐश्वर्यकुमारी कुमाल ३६.१५ सेकेन्ड समयमा पहिलो भइन् । बविता फुयाल दोश्रो तथा प्रतिक्षा माझी तेश्रो बने ।

त्रिपुरेश्वरस्थित दशरथ रंगशालामा भएको प्रतियोगिताको होचा÷पुड्का पुरुष २ सय मिटर दौडमा लालबहादुर खत्री प्रथम भए । उनले ४३.८३ सेकेन्डमा दौड सकाए । खुर्शेद मन्सुर द्वितीय तथा राजदीप थापा क्षेत्री तृतीय स्थानमा रहे । सो स्पर्धाको पुरुष १ सय मिटर दौडमा भने खुर्शेदले बाजी मारे । उनले निर्धारित दूरी २०.०५ सेकेन्डमा तय गर्दै पहिलो भए । लालबहादुरले दोश्रो स्थानमा चित्त बुझाए भने मानबहादुर नेवार तेश्रो भए ।

पूर्ण दृष्टिविहीनको पुरुष १ सय मिटर दौडमा विश्वराम दनुवारले स्वर्ण जिते । विश्वरामले १५.९५ सेकेन्ड समय खर्चे । धीरेन्द्र बुढाले रजत तथा विपेश चौधरीले कांस्य हात पारे । उक्त स्पर्धाको महिलामा २३.८१ सेकेन्डमा दौड पूरा गरेकी सकुन्तला वादी पहिलो भइन् । प्रेरणा खप्तरी दोश्रो तथा रेणुका तामाङ तेश्रो भए ।

अल्प दृष्टिविहीनको पुरुष १ सय मिटर दौडमा दयारामनारायण चौधरी पहिलो भए । उनले १४.०९ सेकेन्डमा दौड पूरा गरे । सुवास सुनार दोश्रो तथा दावा स्याङबु शेर्पा तेश्रो भए । त्यसै स्पर्धाको महिलामा दिलसरा धमला १८.१० सेकेन्ड समय निकाल्दै शीर्ष स्थानमा रहन् ि। सरिता घिमिरे दोश्रो तथा पवित्रा धामी तेश्रो बने । क्रचेचतर्फ पुरुष १ सय मिटर दौडमा निखिलकुमार बुढा पहिलो भए । उनले २६.६८ सेकेन्ड समय निकाले । गिरीराज थापा दोश्रो तथा हरिबहादुर गुरुङ तेश्रो भए । सामान्य अपाङ्गको पुरुष १ सय मिटर दौड १५.२२ सेकेन्डमा पूरा गर्दै यम्बर घले मगरले स्वर्ण जिते । हिक्मत थापा मगरले रजत तथा नागेश जोशीले कांस्य प्राप्त गरे ।

बौद्धिकतर्फ पुरुष १२–१५ वर्षको १ सय मिटर दौडमा मिटियोन ताचामो पहिलो भए । उनले निर्धारित दूरी १६.५० सेकेन्डमा पूरा गरे । विवेक श्रेष्ठ दोश्रो तथा कृष दुवाल तेश्रो भए । सो स्पर्धाको महिलामा सर्वदा सुवाल पहिलो भइन् । सर्वदाले ३५.०५ सेकेन्डमा निर्धारित दूरी सकाइन् । निर्माना शाक्य दोश्रो तथा समिक्षा सिल्पकार तेश्रो भए । बौद्धिकतर्फ १८ वर्षमाथि पुरुष १ सय मिटर दौडमा अदित वज्राचार्यले स्वर्ण जिते । उनले निर्धारित दूरी १५.२१ सेकेन्डमा पूरा गरे । शक्ति तिमल्सेना दोश्रो तथा सुशन बुयो तेश्रो बने । उक्त स्पर्धाको महिलामा २१.०३ सेकेन्डमा पूरा गर्दै निता श्रेष्ठ पहिलो बनिन् । आस्मा वज्राचार्य दोश्रो तथा लोजिना खरेल तेश्रो भए ।

काठमाडौं । रामेछापको मन्थली नगरपालिकाले पर्यटन प्रवर्द्वन र विकासको निम्ति तिनै तहका सरकार र सरकारवाला निकायहरु विचको अन्तरक्रियात्मक छलफल तथा वहस कार्यक्रम सम्पन्न गरेको छ । सनिबार नगरपालिकाले काठमाडौँ स्थित पर्यटन बोर्डमा पहिलो पटक यस्तो कार्यक्रमको आयोजना गरेको हो ।

संस्कृति, पर्यटन तथा नागरिक उड्डयनमन्त्री हितबहादुर तामाङ

कार्यक्रममा संस्कृति, पर्यटन तथा नागरिक उड्डयनमन्त्री हितबहादुर तामाङले रामेछाप जिल्ला पर्यटनको लागि सम्भावना भएको जिल्लाका रुपमा रहेको बताउँदै पर्यटकीय पूर्वाधार विकासमा सरकारका तर्फबाट आवश्यक सहजीकरण गर्ने बताए ।

आनन्द कुमार श्रेष्ठ

बागमती प्रदेशको वन, पर्यटन तथा वातावरण समितिका सभापति आनन्द कुमार श्रेष्ठले पर्यटन रामेछापको मन्थली विमानस्थललाई बाह्रै महिना सञ्चालन गर्नका लागि आफ्नो तर्फबाट आवश्यक पहल गर्ने प्रतिवद्धता जनाए । सँगै गर्मी भएको र आवश्यक होटल पूर्वाधारको अभाव रहेको कारण मन्थलीमा पर्यटक राख्न नसिकएको भन्ने पर्यटन व्यवसायीको भनाईमा पूर्ण सहमत हुन नसकिने बताउँदै रामेछापका सांसद श्रेष्ठले मन्थलीमा होटल पूर्वाधारसहित विमानस्थलमा समेत एसीको व्यवस्था भएको जानकारी गराए । उनले भने, ‘गर्मीबाट पर्यटक भगाउनुपर्ने अवस्था छैन, मन्थलीका होटलमा १५० बढी एसीसहितका कोठाहरु छन्, विमानस्थलमा पनि एसी राखिएको छ । होटलहरु केही अव्यवस्थित भएपनि पर्यटक राख्नै नसकिने भन्ने होइन ।’

पूर्वराज्यमन्त्री श्यामकुमार श्रेष्ठ बोल्दै

पूर्वराज्यमन्त्री श्यामकुमार श्रेष्ठले रामेछाप र मन्थलीमा केही पनि छैन भन्ने गलत भाष्य निर्माण गरिएको भन्दै यसलाई चिर्न आवश्यक रहेको बताए । सिन्धुलीको दुम्जा र रामेछापको भँगेरीलाई जोडेर पर्यटन विकास गर्न सकिने उनको भनाइ थियो ।

मन्थली नगरपालिकाका मेयर लब श्रेष्ठ

त्यस्तै मन्थली नगरपालिकाका मेयर लब श्रेष्ठले मन्थली विमानस्थललाई नियमित सञ्चालनका लागि मन्त्रिपरिषद वा सम्बन्धित निकायबाट निर्णय गराउन पहल भइरहेको र यसका लागि साथ दिन सबै राजनीतिक दलका प्रतिनिधिसहित व्यवसायीहरुलाई आग्रह गरेका छन् । श्रेष्ठले नगरका पर्यटकीय गन्तव्यहरुको पहिचान गर्दै, पूर्वाधारको विकास र तिनको प्रचारप्रसार गर्दै जाने योजना बनाएको जानकारी गराउँदै स्थानीय तहले गर्न सक्ने जति सबै पहल गर्न नगरपालिका तयार रहेको बताए ।

कार्यक्रममा सहभागी पर्यटन बोर्डका उपाध्यक्ष राप्रसाद सापकोटा , टानका अध्यक्ष नीलहरि बाँस्तोला, पर्यटन बोर्डका पूर्व सदस्य राजेन्द्र सापकोटा, पाटा नेपाल च्याप्टरकी सदस्यसमेत रहेकी पर्यटन व्यवसायी सरिता लामा, नेपाल पर्वतारोहण संघका वरिष्ठ उपाध्यक्ष ठाकुर राज पाण्डे, होटल तथा पर्यटन व्यवसायी संघ बागमती प्रदेशका अध्यक्ष दामोदर नेपाल र वायुसेवा सञ्चालक संघका कार्यकारी निर्देशक राधाकृष्ण थापा लगायतले मन्थली विमानस्थलको स्थायित्वका लागि पहल गर्न सबै राजनीतिक दल र सरोकारवालाई आग्रह गरेका छन् । राज्यले पूर्वाधार बनाएपछि निजी क्षेत्रले लगानी गर्ने भएकाले निजी क्षेत्रलाई लगानीको प्रतिफल प्राप्त हुन्छ भनेर आकर्षित गर्नुपर्ने उनीहरुको भनाइ छ ।

काठमाडौँ । बेलायतको प्रधानमन्त्रीमा लेबर पार्टीका किअर स्टार्मर नियुक्त हुनुभएको छ । हिजो भएको संसदीय चुनावमा अत्यधिक बहुमत पाएसँगै स्टार्मर बेलायतको नयाँ प्रधानमन्त्रीमा नियुक्त हुनुभएको हो ।

संसद्का ६ सय ५० सिटमध्ये स्टार्मरको पार्टीले ४ सय १२ सिट जितेको छ । यो अघिल्लो चुनावको भन्दा २ सय ११ सिटले धेरै हो । यस्तै विगत १४ वर्षदेखि सत्तामा रहेको कन्जर्भेटिभ पार्टीले १ सय २१ सिट मात्रै जितेको छ । यो अघिल्लो चुनावको भन्दा २ सय ५० सिटले धेरै हो ।

किअर स्टार्मर प्रधानमन्त्रीमा नियुक्त हुनुअघि तत्कालीन प्रधानमन्त्री ऋषि सुनक बकिङ्गम दरबारमा पुगेर राजा चार्ल्ससमक्ष राजीनामा बुझाउनुभएको थियो । राजा चार्ल्सलाई राजीनामा दिएर उहाँ बकिङ्गम दरबारबाट पूर्वप्रधानमन्त्रीको हैसियतमा बाहिरिनुभएको हो ।

त्यसअघि लेबर पार्टीको विजय स्वीकार गर्दै प्रधानमन्त्री सुनकले पार्टीको पराजयका लागि क्षमायाचना गर्नुभएको थियो । ‘टेन डाउनिङ स्ट्रीट’ भनिने प्रधानमन्त्री कार्यालय छाड्दै गर्दा सुनकले बेलायत संसारकै सबैभन्दा उत्कृष्ट देश भएको बताउनुभयो ।

यसैबीच यसपालि बेलायतको ‘हाउस अफ कमन्स’ मा पुग्ने महिलाको सङ्ख्या अहिलेसम्मकै सर्वाधिक भएको बीबीसीले जनाएको छ । यस पटक २ सय ४० जनाभन्दा धेरै महिला सांसदमा निर्वाचित भएका छन् ।

काठमाडौं । नेपाल क्रिकेट संघ (क्यान)ले सन्दीप लामिछानेलाई ‘ए’ ग्रेडमा अनुबन्धन गर्ने निर्णय गरेको छ। बिहीबार बसेको क्यानको केन्द्रीय कार्यसमितिको बैठकले ६ महिनाका लागि केन्द्रीय सम्झौतामा अनुबन्धन गर्ने निर्णय गरेको हो।

उनको अनुबन्धन जुलाई १ देखि डिसेम्बर ३१ सम्म रहने क्यानले विज्ञप्ति जारी गरेर जानकारी दिएको छ। टी-२० अन्तर्राष्ट्रियमा एक सय रन पूरा गरेकोमा क्यानले लामिछानेलाई बधाइसमेत दिएको छ।

बलात्कार अभियोग लागेपछि लामिछाने केही समय निलम्बनमा परेका थिए। उच्च अदालत पाटनले सफाइ दिएपछि विश्वकप खेल्न वेस्ट इन्डिज पुगेका थिए। उनले बंगलादेशविरुद्ध दुई विकेट लिँदै सय विकेट पूरा गरेका थिए। अमेरिकाले भिसा नदिँदा उनले नेदरल्यान्ड्विरुद्धको खेल भने गुमाएका थिए।

काठमाडौं । प्रमुख सत्ता साझेदार दल नेकपा (एमाले)ले समर्थन फिर्ता लिएपछि परेका प्रधानमन्त्री पुष्पकमल दाहाल (प्रचण्डले) असार २८ गते विश्वासको मत लिने भएका छन् ।

असार २८ गते (शुक्रबार) प्रतिनिधिसभाबाट विश्वासको मत लिने प्रयोजनका निम्ति संसद् सचिवालयलाई पत्र पठाइएको प्रधानमन्त्रीको सचिवालयले जनाएको छ ।

नेपाली कांग्रेस र एमालेले मार्ग प्रशस्त गर्न आग्रह गरे पनि उनले आफूले विश्वासको मतको सामना गर्ने बताएका थिए ।

संविधानत् सरकारमा सहभागी दलले समर्थन फिर्ता लिएको ३० दिनभित्र विश्वासको मत लिनुपर्छ ।

२७५ सदस्यीय प्रतिनिधिसभामा बहुमतका लागि १३८ मत चाहिन्छ , जबकी अहिलेसम्म प्रचण्डसँग माओवादी (३२), रास्वपा (२१), एकीकृत समाजवादी (१०) र अशोक राई नेतृत्वको जसपा (७) को गरेर ७९ मत छ ।

काठमाडौं । शिक्षा, विज्ञान तथा प्रविधि मन्त्री सुमना श्रेष्ठले शिक्षकहरूलाई नतर्साएको बताएकी छन् ।

शुक्रबार राष्ट्रिय सभामा बोल्दै उनले भनिन्, ‘शिक्षकले राजनीति गर्दै हिंड्नु भएन, कक्षा कोठामा हुनुपर्‍यो । कुरा यही हो ।’

‘शिक्षकलाई तर्साएको छैन । शिक्षक राजनीतिक पार्टीको सदस्य हुनुहुन्न भनेर राजनीतिक दल सम्बन्धी ऐनले नै भन्छ । यसकारण राजनीति गर्दै हिंड्नु भएन, कक्षा कोठामा हुनुपर्‍यो भनेको हो,’ उनले भनिन् ।

सांसदहरूले शिक्षकलाई तर्साउन नहुने बताएका थिए । जवाफ दिंदै उनले यस्तो बताएकी हुन् ।

‘‘आफ्नो प्रोफेसनल इथिक्स मेन्टेन गर भन्नु त तर्साएको हुँदैन,’ उनले भनिन् ।

सामुदायिकमा भन्दा निजी विद्यालयको एसईईको नतिजा राम्रो आउनुको पछाडि निजीमा राम्रो नतिजा नआए हायर एण्ड फायर हुने र राजनीति नहुनु प्रमुख कारण रहेको उनले बताइन् ।

वाशिङटन डीसी । मानिसको शरीरमा कुनै समस्या आयो वा रोग लाग्यो भने शल्यक्रिया गरिन्छ । यो खुबी मानिसमा मात्रै छ ।

मेडिकल अध्ययनका कारण मान्छेले यो खुबी पाएको हो । यो जटिल प्रक्रियाका लागि अत्यधिक प्रतिभाको खाँचो पर्दछ । तर अमेरिकामा भने वैज्ञानिकहरूले यस्तो कमिला खोजेका छन्, जसले शल्यक्रिया पनि गर्छ ।

आफ्नो साथीहरूलाई बचाउन शल्यक्रिया गर्ने यो कमिला फ्लोरिडामा खोजिएको हो । यिनीहरूलाई कार्पेन्टर आन्ट्स भनिन्छ । एउटै गुँडमा बस्ने साथी कमिलाको खुट्टामा लागेको चोटलाई यिनीहरूले चिन्छन् र घाउ ठिक गर्न खुट्टा वा यसको हिस्सा काटेर फ्याँकिदिन्छन् ।

सन् २०२३ मा फ्र्यांकको टिमले अफ्रिकी कमिलाको एउटा प्रजाति खोजेका थिए । यसको नाम मेगापोनेरा एनालिस भएको बताइएको छ । यसले आफ्नो गुँडमा भएका घाइते साथीहरूको उपचार आफ्नो शरीरबाट निस्कने एन्टीमाइक्रोबायल पदार्थले गर्थे । फ्लोरिडामा भेटिएका कार्पेन्टर आन्ट्समा यो खुबी छैन ।

तर यिनीहरू घाइते साथीको खुट्टा काट्न माहिर छन् । उपचारका लागि कार्पेनटर आन्ट्सले आफ्नो मुखको प्रयोग गर्छन् । घाउ ठिक नहुने जस्तो देखेपछि घाउ भएको हिस्सा मुखले काटेर फ्याँकिदिन्छन् । यो अध्ययन करेन्ट बायोलोजी जर्नलमा पनि प्रकाशित भइसकेको छ । वैज्ञानिकहरूले यस अध्ययनमा दुई खालको चोटमा ध्यान दिएका थिए । एजेन्सी

चितवन । नेपाली कांग्रेसका नेता डा. शशाङ्क कोइरालाले राजनीतिक स्थायित्वका लागि संसद्मा प्रतिनिधित्व गरेका दुई ठूला दल मिलेका बताएका छन् । यहाँ आज पत्रकारसँग कुरा गर्दै उनले देशमा राजनीतिक स्थायित्वका लागि दुई ठूला दल मिलेर सरकार बनाउने बताए । उनले भने, “दुई ठूला दल मिल्नु राम्रो कुरा भए पनि लोकतन्त्रमा प्रतिपक्ष पनि त्यतिकै बलियो हुन आवश्यक छ ।”

सङ्घीयता कार्यान्वयनमा गइसकेको भए पनि सर्वसाधारणलाई यसबारे बुझाउन नसकिएको स्वीकार गर्दै उनले बजेट बाँडफाँट गर्दा प्रदेशलाई दृष्टिगत गरेर केन्द्र सरकारले बजेट विनियोजन गर्नुपर्नेमा त्यसो हुन नसकेको बताए । विकेन्द्रीकरणका माध्यमबाट मात्र चौतर्फी विकास सम्भव हुने भएकाले सबै राजनीतिक दलले यो वास्तविकतालाई मननगरी तदनुरुप गर्नुपर्नेमा जोड दिए ।

एक प्रश्नको जवाफमा प्रधानमन्त्री पुष्पकमल दाहाल ‘प्रचण्ड’ले संसद्लाई सम्बोधन गरेर राजीनामा दिने विश्वास नेता कोइरालाले व्यक्त गरे ।

error: कपि गर्नु राम्रो होइन ! कृपया आफ्नो भाषामा लेख्नु होला !

ताजा अपडेट

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।