२०८३ मंसिर ७
२०८३ मंसिर ७

काठमाडौँ । अब स्थायी लेखा नम्बर (प्यान) प्रमाणपत्र सम्बन्धित स्थानीय तहबाटै लिन मिल्ने भएको छ । अर्थ मन्त्रालय मातहतको आन्तरिक राजस्व विभागले आफू अन्तर्गत सञ्चालनमा रहेका करदाता सेवा कार्यालयहरु खारेज गरेपछि त्यहाँबाट प्रवाह भइरहेका सेवामध्ये स्थायी लेखा नम्बर प्रमाणपत्र स्थानीय तहबाट प्रदान गर्ने भएको हो । ​​

स्थानीय तहबाट यी सेवा सुरु हुन समय लाग्न सक्ने भएकाले हाल सम्बन्धित जिल्लाका कोष तथा लेखा नियन्त्रक कार्यालयबाटै प्रवाह हुने विभागले जनाएको छ । कर भुक्तानी, कर चुक्ता प्रमाणपत्र लगायतका धेरै सेवाहरू अनलाइन प्रणालीमार्फत नै प्राप्त गर्न सकिने व्यवस्था हाल कार्यान्वयनमै रहेको छ ।

आन्तरिक राजस्व विभाग तथा अन्तर्गतका कार्यालयहरूको सेवा प्रवाहलाई अझ करदाताको नजिक र प्रविधिमैत्री बनाउँदै लैजाने नीति अनुरूप सेवालाई विकेन्द्रीकरण गर्ने व्यवस्था गरिएको तथा सेवा प्रवाहको वैकल्पिक व्यवस्था नभएसम्म सम्बन्धित करदाता सेवा कार्यालयहरूबाट सेवा नियमित हुने बताइएको छ ।

विभागले नयाँ व्यवस्था कार्यान्वयनमा सम्बन्धित सबै सरोकारवालाहरूसँग सहयोगको अपेक्षा समेत गरेको छ ।

काठमाडौं । जेनजी अभियन्ता सुधन गुरुङले गृहमन्त्री ओमप्रकाश अर्यालप्रति आक्रोश प्रकट गर्दै एमाले नेता महेश बस्नेत र निकोलस भुसालप्रति गरिएको फरक व्यवहारबारे प्रश्न उठाएका छन् ।

गुरुङले सामाजिक सञ्जालमार्फत गृहमन्त्रीको नीतिगत निष्पक्षतामाथि शंका व्यक्त गर्दै भनेका छन्, “निकोलस भुसाल र महेश बस्नेतको अभिव्यक्तिमा आखिर फरक के देख्नुभयो गृहमन्त्रीज्यू ? अनि किन निकोलसमात्रै पक्राउ परे ?”

https://www.facebook.com/sudangrghaminepal/posts/25547754691515254?ref=embed_post

उनले थप प्रश्न गर्दै भनेका छन्, “कि शक्तिशालीलाई नछुने ओली सरकारकै पारामा ढल्किनुभएको हो ? बन्द कोठामा प्रश्न गर्दा गर्दा थाकेर आएको अभिव्यक्ति हो यो । लाग्छ आन्दोलन हार्दैछ ।”

गुरुङको यो भनाइ जेनजी अभियन्ता भावना राउतले सामाजिक सञ्जालमा राखेको धारणा सँगै सार्वजनिक भएको हो । उनले राउतको अभिव्यक्तिलाई समर्थन गर्दै गृहमन्त्रीको निर्णयमाथि पुनर्विचार गर्न आग्रह गरेका छन् ।

काभ्रेपलाञ्चोक — बनेपामा आजदेखि परम्परागत, ऐतिहासिक र धार्मिक महत्वको १२ वर्षे श्री श्वेतकाली देवी (नरदेवी) नाच सुरु भएको छ। हरेक १२ वर्षमा आयोजना हुने यो नाच बनेपा नगरको ऐतिहासिक लायकु डबलीमा तीन दिनसम्म सञ्चालन हुनेछ।

जात्रा व्यवस्थापन समितिका अनुसार देवीलाई आज भक्तपुरबाट विधिवत् रूपमा बनेपातर्फ प्रस्थान गराई लायकु गणेशस्थानमा ल्याइनेछ। त्यसपछि मङ्गल यात्रासहित देवीलाई लायकु डबलीमा प्रवेश गराइने र मध्यरातसम्म परम्परागत देवी नाचहरू प्रस्तुत गरिने जनाइएको छ।

समितिकी संयोजक भुलक्ष्मी मानन्धरका अनुसार, नाचको सञ्चालन परम्परागत नाचगुठी, ङत त्वाः समाजका सदस्य तथा स्थानीय बासिन्दाको सहभागितामा हुने छ।

परम्पराअनुसार, श्री श्वेतकाली देवी (नरदेवी) नाच काठमाडौँ, ललितपुर, कीर्तिपुर, भक्तपुर र बनेपाका लायकु डबलीमा हरेक १२ वर्षमा एकपटक गरी आयोजना गरिन्छ। यो नाच नेवार समुदायको सांस्कृतिक र धार्मिक धरोहरका रूपमा स्थापित परम्परा हो।

चितवन। स्वास्थ्य बिमा सेवा प्रणालीमा प्राविधिक समस्या हुँदा देशभरका बिरामी प्रभावित भएका छन् ।

सो प्रणाली राम्रोसँग नचलेपछि लामो समय पालो कुरेर बिरामी अस्पतालबाट फर्किनु परेको छ । भरतपुर अस्पताल स्वास्थ्य बिमा कार्यक्रमका इञ्चार्ज लीलाधर पौडेलले गएराति ११ बजेसम्म काम गर्दासमेत दिउँसोको दाबी पेस गर्न कठिन भएको बताउनुभयो । उहाँका अनुसार दुईदिनदेखि बिरामी र आफन्तले गुनासो गरिरहेका छन् ।

‘बिलिङ काउन्टर’मा पटकपटक झगडा पर्ने गरेको छ । पौडेलले भन्नुभयो, “बुधबार मात्रै ५०० भन्दाबढी बिरामी टिकट काट्न नसकेर फर्किएका छन् ।” दिनभर लगाएर एक हजार ६२६ जनाको टिकट काटिएको उहाँले बताउनुभयो । प्रणालीले सहजै काम गरेको भए दुई हजार २०० हाराहारीमा बिरामी बिमामार्फत् उपचार गर्न आएका थिए ।

भरतपुर अस्पतालमा बिमाको टिकट काउन्टर आठ वटा छन् भने आकस्मिकमा समेत बिमाको टिकट काटिन्छ । अस्पतालको टिकट काउन्टरमा कार्यरत वसन्ती चिलवालले विगत चार दिन यता नयाँ टिकट काट्नै नसकिएको बताउनुभयो ।

बिमा बोर्ड अन्तर्गत ५५० अस्पतालले सेवा दिएका छन् । तीमध्ये केही अस्पतालले बोर्डलाई पत्राचार गरी समस्याका बारेमा अवगत गराएका छन् । विराट मेडिकल कलेज, कोशी अस्पताल, बीपी कोइराला स्वास्थ्य विज्ञान प्रतिष्ठान, धरानलगायतका अस्पतालले यही अवस्थामा सेवा दिनै कठिन भएको पत्र बोर्डमा पठाएका छन् ।

बोर्डका कार्यकारी निर्देशक रघुराज काफ्लेले बोर्ड स्थापना हुँदा परीक्षणका रूपमा दुई चार लाख सेवाग्राहीका लागि जडान गरिएको प्रणालीको स्तरोन्नति गर्न नसकिएका कारण समस्या आएको बताउनुभयो । उहाँका अनुसार बोर्डमा जडान गरिएका प्रणालीको म्याद सकिएको छ । हाल चाप अत्याधिक बढेको र प्रणालीमा सोही अनुरूपको स्तरोन्नति नहुँदा समस्या भएको हो । आफ्नो प्रत्यक्ष निगरानीमा प्राविधिक टोलीले काम गरिरहेको जानकारी दिँदै उहाँले अझ समस्या समाधान गर्न एक साता बढी लाग्ने बताउनुभयो ।

काफ्लेले भन्नुभयो, “मैले गर्ने प्रयत्न गरिरहेको छु, केही डिभाइस किनेर जडान गर्ने काम भइरहेको छ । सिस्टम अपग्रेड भनेको महिनौँ लाग्ने काम हो ।” अहिले बोर्ड अन्तर्गत दैनिक ८० हजार हाराहारीले सेवा लिइरहेका छन् । बोर्डमा जोडिनेको सङ्ख्या ६५ लाख नाघेको छ ।

error: कपि गर्नु राम्रो होइन ! कृपया आफ्नो भाषामा लेख्नु होला !

ताजा अपडेट

Login

कृपया ध्यान दिनुहोस्:

  • अब तपाइले कमेन्ट गर्नका लागि अनिवार्य रजिस्ट्रेसन गर्नुपर्ने छ ।
  • आफ्नो इमेल वा गुगल, फेसबुक र ट्वीटरमार्फत् पनि सजिलै लगइन गर्न सकिने छ ।
  • यदि वास्तविक नामबाट कमेन्ट गर्न चाहनुहुन्न भने डिस्प्ले नेममा सुविधाअनुसारको निकनेम र प्रोफाइल फोटो परिवर्तन गर्नुहोस् अनि ढुक्कले कमेन्ट गर्नहोस्, तपाइको वास्तविक पहिचान गोप्य राखिने छ ।
  • रजिस्ट्रेसनसँगै बन्ने प्रोफाइमा तपाइले गरेका कमेन्ट, रिप्लाई, लाइक/डिसलाइकको एकमुष्ठ बिबरण हेर्नुहोस् ।